नेपालको चर्चित म्युजिक व्याण्ड “मङ्गोलियन हर्ट” का एकजना मुख्य गायक राजु लामा यतिबेला लिस्बोन आइपुगेका छन्। राजु लामाका साथ सुपरिचित लोक गायक मिलन लामाले आगामी अगस्ट ५ तारिख पोर्तुगलमा आफ्नो बेजोड सांगीतिक प्रस्तुति दिने भएका छन् ।
मुलतः नेपाल युवा-युवतीहरुमा लोकप्रिय र निक्कै चर्चा बटुलेको म्यूजिक ब्याण्ड मङ्गोलियन हर्ट र गायक राजु लामाले सयौं गीतहरुमा आफ्नो स्वर दिएका छन देश बिदेशमा उनका हजारौं फ्यानहरु अहिले पनि उनलाई सुन्न आतुर र उत्साहित छन् ।
मिलन लामा लोक दोहोरी तथा रास्ट्रप्रेम सम्बन्धि गित गाएर बालबालिका, युवा, पौढहरुको र बुढापाकाको माझ मा पनि निकै लोकपि्रय छन । उनले गाएको गित माझी दाइ पोखरा फेवाताल को निकै चर्चित गित हो ।
आयोजक तामाङ्ग समाज पोर्चुगलले उनहरु कार्यक्रमका लागि राजधानी लिस्वोनस्थित “मेर्काडो दि रिबेइरा” काईस दो सोद्रेको भब्य हल बुक गरिसकेको जनाइएको छ । कार्यक्रममा पाँचसय भन्दा बढी मानिसहरुको उपस्थिति हुने अपेक्षा र बिश्वास आयोजकहरुले लिएका छन् ।
तामाङ्ग समाज पोर्तुगलकी अध्यक्ष तथा कार्यक्रम मूल आयोजक समितिकी संयोजक सुनिता तामाङ्गले पोर्तुगलस्थित नेपाली समुदाय र सम्पुर्ण संघ-संस्था, सामाजिक र सांस्कृतिक क्षेत्रका महानुभावहरुमा कार्यक्रम सफल र भब्य बनाउन उपस्थिति र सहयोगकालागि हार्दिक आग्रह र अपील गरेकी छन् ।
https://www.facebook.com/tmngsamajportugal/videos/1745231195591839/
कार्यक्रमलाई सफल बनाउन प्रचार प्रसारकालागि पोर्तुगलमा क्रियाशील रहेका विभिन्न अनलाईन पोर्टलहरुलाई मिडीया पार्टनरका रुपमा राखिएको छ । कार्यक्रमको अग्रिम टिकटको लागि १५ यूरो र सोही दिन कार्यक्रम स्थलमा भने २० यूरो मुल्य तोकिएको छ ।
