काठमाडाैं ।
बलिउड स्टार प्रियंका चोपडा र निक जोनस बिचको डिभोर्सको खवर अहिले चौतर्फी फैलिएको छ । विवाह गरेको तीन महिना पनि नपुग्दै चर्चामा आएको खवरले बलिउड यतिखेर तातेको छ ।
जव अमेरिकी म्यागाजिन ‘ओके’ले प्रियंका र निक डिभोर्स गर्ने तरखरमा रहेको भन्ने समाचार प्रकाशित गर्यो खवर बिस्तारै फैलियो तर खवरलाई खण्डन गर्दै प्रियंकाले शोसल मिडियामा पारिवारीक तस्वीरहरु शेयर गरेर खवर सत्य नभएको संकेत गरेकी छिन् ।
प्रियंकाले आइतवार निक जोनस र उनको परिवारसँग रहेको फोटोहरू शेयर गरेकी छिन् । जुन फोटोलाई हेरेर प्रियंका आफ्नो परिवारसँग खुसी रहेकी देखिएकी छिन् । तस्वीरमा प्रियंकाको साथमा निकका दाजुभाई र उनको सासु ससुरा देखिएका छन् । प्रियंकाको यस तस्वीरलाई उनीहरुबिच फैलिएको अफवाहको जवाफ मानिएको छ ।
बताइएअनुसार ओके म्यागाजिनले ३६ वर्षीया अभिनेत्री प्रियंका र २६ वर्षीय निकबिच स-साना कुराहरु मतभेद आउन थालेपछि एक अर्का छुट्टिने तयारीमा लागेकाे समाचार प्रकाशित गरेको थियो ।
म्यागजिनका अनुसार यी दुई पार्टी जाने कुरादेखि काम गर्ने समय आदि विषयमा धेरै झगडा गर्ने गरेको र प्रियंकाले हर कुरामा निकलाई कन्ट्रोल गर्ने गरेपछि निकको आमा बाबु प्रियंका प्रति रुष्ट भएको खवर छापेको थियो । उनीहरुले प्रियंका उमेरले परिपक्व भएपनि ब्यवहारले परिपक्व नभएको कारण पछिल्लाे समय निकलाई प्रियंकासँग डिभोर्स दिन दवाव दिएको बताएको थियो ।
प्रियंका र निक गएको डिसेम्वरमा भारतीय रितअनुसार विवाह बन्धनमा बाँधिएका थिए ।
