लिस्बन, पोर्चुगल।
कामदार भिषामा कम्तिमा १२ लाख खर्च गरेर पोर्चुगल पुग्नेहरुको कथा र ब्यथा कम्ता कहालीलाग्दो छैन। कामदार भिषामा स्पोन्सर गर्ने कम्पनीले नेपाली कामदारहरु पोर्चुगल पुग्नेबित्तिकै बेवास्ता गरेपछि महिनौ बेरोजगार बस्नुपरेको र नेपालबाट नै खर्च मगाएर दैनिकी चलाउदै आएका थिए ।
स्पोन्सर कम्पनीको बेवास्तापछि पछिल्लो समय भारतीय एजेन्टको खेती कम्पनीमा काम गर्न पुगेका नेपाली कृषि मजदुरहरु काम गर्ने र बस्ने ठाउँमा पोर्चुगलको अध्यागमन प्रहरी ( सेफ ) ले छापा र सर्च अप्रेशन गरेको छ।
सर्च अप्रेशनको क्रममा सेफले नेपाली मजदुरहरुसहित् दक्षिण एसियाली मुलका अन्य देशका नागरिकहरु समेतको सम्पुर्ण बिवरण संकलन गरेको छ।
सर्च अप्रेशनमा सेफले कामदारहरुलाई सोधपुछ गर्दा सिजनल वर्क भिषामा १२ देखि १५ लाख रुपैयासम्म दलालहरुलाई बुझाएर कामदारहरु पोर्चुगल आएका तथ्य फेला परेका छन्।
अप्रेशनमा नेपाली मदजुरहरुको बस्ने अवस्था निकै दयनीय भएको र अमानवीय तरिकाले उनीहरुलाई बस्ने व्यवस्था गरिएको भेटिएको छ। निकै फोहोर र अव्यवस्थित घरमा एकै कोठामा प्रत्येक बेडमा २-२ जना गरी ८-१० जना सुताउने गरिएको, भान्सा र खाना खाने व्यवस्था उचित नभएको, शौचालयको उचित व्यवस्था नभएको र शुद्ध पिउने पानीको उचित व्यवस्था नभएकोको कामदारहरु श्रम शोषणको शिकार भएको बुझिएको छ।
सेफले आफ्ना सम्पूर्ण बिवरणहरु संकलन गरेको पिडितहरुले बताएका छन्। सेफले आफ्नो सम्पूर्ण बिवरणहरु संकलन गरेपश्चात नजिकैको जीएनआर प्रहरी वा सेफमा सम्पर्क गर्न र उजुरी दिन सुझाएको पिडितहरुले बताएका छन्।
उनीहरुलाई अमानवीय तरिकाले राखिएकोले श्रम शोषण र मानव तस्करीको शिकार भएको हुनसक्ने प्रशस्त आधार हुदा सेफले उनीहरुलाई त्यहाँबाट कहिँ पनि नजान र सेफले चाडै उद्दार गर्ने बताएको थियो।
Photo: Rui Oliveira
यो पढ्न छुट्यो कि !
पोर्चुगलमा ‘वर्क परमिट ‘ को पिडा : ३-३ महिनासम्म बेरोजगार, स्पोन्सर कम्पनी भन्छ ” अन्तै काम खोज “
