लिस्बन।
पोर्चुगलमा कोरोना संक्रमणको उपचारपछि रिकभर हुनेको संख्या पछिल्लो २४ घण्टामा दोब्बरले वृद्धि भएको छ। पोर्तुगलमा १४० जना संक्रमित अस्पतालमा उपचारपछि सामान्य जीवनमा फर्किसकेका छन् । हिजोसम्म यो संख्या जम्मा ७५ थियो।
हालसम्म कोरोना संक्रमणबाट ३३१ को मृत्यु भएको छ भने ११ हजार ७३० संक्रमित भएको राष्ट्रिय स्वास्थ्य महानिर्देशनालयले पत्रकार सम्मेलनमा जानकारी गराएको छ । संक्रमितमध्ये ६ हजार ६०१ महिला छन् । पुरुषको संख्या पाँच हजार १२९ रहेको छ ।
महानिर्देशनालयको तथ्याङ्कअनुसार संक्रमितहरुमध्ये एक हजार ९९ लाई अस्पताल भर्ना गरिएको छ भने २७० विरामी सिकिस्त छन् । ९१ हजार ७९४ जनालाई संक्रमण भएको हुनसक्ने आशंका गरिएको छ ।
