लिस्बन।
पोर्चुगलमा कोरोना भाइरस (कोभिड – १९) बाट हालसम्म १५ हजार ९८७ संक्रमित भएको राष्ट्रिय स्वास्थ्य महानिर्देशनालयले जनाएको छ । पछिल्लो दिनको तुलनामा थप ५१५ जना संक्रमित भएका छन्।
कोरोना भाइरस को संक्रमणबाट मृत्यु हुनेको संख्या ४७० पुगेको छ । पछिल्लो २४ घण्टामा कोरोनाबाट थप ३५ को मृत्यु भएको छ ।
पोर्तुगलमा २६६ जना संक्रमित अस्पतालमा उपचारपछि सामान्य जीवनमा फर्किसकेका छन् । शुक्रवारको तुलनामा थप ३३ जना रिकभर भएका छन्।
महानिर्देशनालयको तथ्याङ्कअनुसार संक्रमितहरुमध्ये ११ सय ७९ लाई अस्पताल भर्ना गरिएको छ भने २२६ जनाको सघन कक्षमा उपचार भईरहेको छ।
स्वास्थ्य परिक्षण गरिएका ३ हजार ९६१ जना नतिजाको प्रतिक्षामा छन्।
एक लाख ३० हजार ३०० जनालाई संक्रमण भएको हुनसक्ने आशंका गरिएको छ ।
