रमेश कँडेल, बेल्जियम।
बेल्जियममा गत २४ घन्टामा थप ५५८ जनालाई कोरोना भाईरस संक्रमण भएको छ, यो संगै बेल्जियममा कोरोना संक्रमितको संख्या २८१५ पुगेको छ।
संक्रमितहरुमध्ये १६५८ (५८%) Vlaanderen, ७५४ (२७%) Wallonië, ३३५ (१२%) Brussel र ठेगाना थाहा नभएको ९८ (३%) रहेका छन्।
अहिले सम्म बेल्जियममा कोरोना भाईरसको संक्रमणबाट ६७ जनाले आफ्नो ज्यान गुमाउनु परेको छ। पछिल्लो २४ घण्टामा २९९ जना कोरोना भाईरस संक्रमितहरुलाई उपचारको लागि अस्पताल भर्ना गरिएको छ भने ५८ जना उपचार पछी घर फर्किएका छन्।
मार्च १३ देखी २० सम्म ११२७ जनालाई अस्पतालमा भर्ना गरिएकोमा २६४ जना उपचार पछी घर फर्केका छन्।
