लिस्वन ।
कोरोना भाइरसका कारण पोर्चुगलमा ज्यान गुमाउनेको संख्या एक हजार नाघेको छ । पछिल्लो २४ घण्टामा थप १८ जनाको मृत्यु भएपछि ज्यान गुमाउनेको कुल संख्या एक हजार ७ जना पुगेको छ ।
अप्रिलको अन्तिम सातादेखि पोर्चुगलमा मृत्यु हुनेको दर घट्दो क्रममा छ भने निको हुनेको संख्या बढ्दो छ ।
पछिल्लो तथ्यांक अनुसार एक हजार ६४७ संक्रमित व्यक्ति उपचारपछि घर फर्किएको तथ्याँक राष्ट्रिय स्वास्थ्य महानिर्देशनालयले दिएको छ ।
पछिल्लो २४ घण्टामा ३०६ जना नयाँ संक्रमित थपिएका छन् । अघिल्लो दिन यस्तो संख्या ५४० थियो ।
हालसम्म पोर्चुगलमा २५ हजार ४५ व्यक्ति कोरोनबाट ग्रसित छन् ।
पोर्तुगलमा १६ सय ४७ जना संक्रमित अस्पतालमा उपचारपछि सामान्य जीवनमा फर्किसकेका छन् ।
महानिर्देशनालयको तथ्याङ्कअनुसार संक्रमितहरुमध्ये ८९२ जनालाई अस्पताल भर्ना गरिएको छ भने १५४ विरामी सिकिष्ट छन् ।
तीन हजार ८२८ जनाको कोभिड-१९ टेष्टको नतिजा आउन बाँकी छ । दुई लाख ५१ हजार २६९ जनालाई संक्रमण भएको हुनसक्ने आशंका गरिएको छ ।
पोर्तुगलमा अहिलेसम्म तीन लाख ९५ हजार ७७१ को नमूना परीक्षण गरेको मन्त्रालयले जनाएको छ ।
