लिस्बन।
पोर्चुगलमा सार्वजनिक यातायातमा मास्क नलगाउने ८० जना जना कारवाहीमा परेका छन्।
पोर्चुगल सरकारले मार्च १९ मा लागु गरेको संकटकाल तीन चरण पश्चात मे २ तारिखमा अन्त्य गरेको थियो। तत्पश्चात जनजीवन सामान्य बनाउन लकडाउनमा केही खुकुलो गर्दै मे ४ तारिखबाट लागु हुनेगरी नियममा ब्यापक परिवर्तन गरेको थियो।
सरकारले मे ४ तारिखबाट सार्वजनिक बन्द स्थानहरुमा र सार्वजनिक यातायातमा मास्कको प्रयोग अनिवार्य गरेको थियो। सार्वजनिक यातायातमा मास्कको प्रयोग नगरेमा कम्तिमा १२० युरोदेखि बढीमा ३५० युरोसम्म जरिवाना गरिने नियम लागु गरिएको थियो।
मे ४ यता सार्वजनिक यातायातमा मास्कको प्रयोग नगर्ने ८० जना कारवाहीमा परेका छन्। कारवाहीमा परेका ८० जनामध्ये ६० जनालाई जनही ३५० युरोसम्म जरिवाना गरिएको छ भने २० जना पक्राउ परेका छन्।
सुरक्षा अधिकारीहरुका अनुसार सार्वजनिक बन्द स्थान र व्यवसायिक र व्यापारिक प्रतिष्ठानहरुमा मास्कको प्रयोग नगर्ने १,६९८ जनालाई चेतावनी चेतावनी दिईएको छ।
