कञ्चनपुर ।
जिल्लाको पुनर्बास नगरपालिका नजीक भारतको दूधुवा नेशनल पार्कको रानीवनमा एक नेपाली महिलाको शव फेला परेको छ ।
मृतकसँग रहेको कागजातको आधारमा ५५ वर्षीया नुरदेवी कठायत रहेको खुलेको हाे ।
मृतक महिलाको परिवारसित सम्पर्क हुन नसकेको इलाका प्रहरी कार्यालय त्रिभुवनबस्तीका प्रमुख प्रहरी निरीक्षक कैलाश विष्टले बताउनुभयाे ।
शवसंँगै भारतीय प्रहरीले भेटेको कागजात अनुसार मृतक साविक गाविस–३ की महिला हुन् ।
शव भारतको पलियामा राखिएको र सोबारे भारतीय प्रहरीसित थप समन्वय भइरहेको समेत प्रहरीले जनाएको छ ।
