एनआरएनए पोर्चुगल निर्वाचनमा धाँधली : निर्वाचन समयभन्दा २ घण्टा अगावै मतपेटिकामा २२ मत खसेपछि नर्थ क्षेत्रको निर्वाचन पनि स्थगित, ४ क्षेत्रमध्ये ३ क्षेत्रमा निर्वाचन रद्ध !

लिस्वन ।

गैर आवासीय नेपाली संघ राष्ट्रिय समन्वय परिषद पोर्चुगलको आसन्न निर्बाचन अन्तर्गत नर्थ क्षेत्रको पनि निर्वाचन स्थगन भएको छ। निर्वावन पूर्व निर्धारित समय बिहान १० बजेदेखि मतदान शुरु हुने कार्यतालिका भएतापनि निर्वाचन समय शुरु हुनुभन्दा २ घण्टा अगाडी नै मतपेटिकामा २२ मत खसेको पाईएकोले नर्थ क्षेत्रमा पनि निर्वाचन रद्ध भएको छ।

त्यस्तै आजै बिहान एकै समय १० बजेदेखि शुरु हुने भनिएको अल्गार्भ क्षेत्रमा समेत निर्बाचन स्थगित भएको छ । यो संगै पोर्चुगलमा रहेका ४ निर्वाचन क्षेत्रमध्ये अल्गार्भ,, अलेन्तेजो र नर्थ क्षेत्रमा निर्वाचन स्थगित भएको छ भने लिस्बनमा मात्रै निर्वाचन सौहार्द रुपमा सम्पन्न भईरहेको छ।

बर्तमान कार्यसमिति अध्यक्ष तिलक गैरेले पुर्व निर्धारित निर्बाचन समितिको सूचनालाई बेवास्ता गर्दै माल्वादोमा आफ्नो घरलाई नै मतदान केन्द्र बनाएपछि सो स्थानमा मतदान केन्द्र राख्न नहुने भन्दै असन्तुष्ट पक्षले निर्वाचन निर्वाचन बहिष्कार गरेका छन्।