काठमाडौँ ।
यूएईमा कोरोना भाइरस (काेभिड–१९) को संक्रमणबाट एक नेपाली महिलाको निधन भएको छ ।
मृतक यूएईको बरदुबईमा घरेलु कामदारका रुपमा कार्यरत रहेकी थिईन् ।
दुबईस्थित अल रफ्फा प्रहरी चौकीले उनको मृत्यु कोरोना संक्रमणबाट भएको स्वास्थ्य रिपोर्ट सोमबार श्रीमानलाई उपलब्ध गराएको थियो।
उनी ९ वर्षदेखि दुबईमा कार्यरत रहेको बुझिएको छ । पछिल्लो समयमा उनी काम बदल्ने भन्दै भिजिट भिसामा बरदुबईस्थित एक भारतीय नागरिकको घरमा काम गर्दै थिइन्।
उनका श्रीमान पनि एक महिनादेखि भिजिट भिसामा यूएईमा थिए ।
