बागलुङ ।
जिल्लामा पछिल्लो केही दिनयता चट्याङ लागेर घाइते हुनेको संख्या बढेको छ ।
हिजो मात्रै जिल्लाका विभिन्न स्थानमा परेको चट्याङ लागेर ६ जना घाईते भएका छन् ।
उनीहरुको धौलागिरी अञ्चल अस्पतालमा उपचार भैरहेको छ ।
सोमबार साँझ पनि काठेखोला गाउंपालिका–७ रेशमा चट्याङ लागेर ३ जना गम्भीर घाइते भएका थिए ।
यस्तै गत बिहिबार चट्याङ लागेर १ जनाको मृत्यु भएको थियो भने ५ जना घाइते भएका थिए ।
यस वर्ष चट्याङ लागेर घाइते हुनेको संख्या १४ पुगेको छ ।
