काठमाडाैं|
पाकिस्तानको पञ्जाब प्रान्तको कारागारमन्त्री फयाज अल हसन चोहानले एउटा पसलको उद्घाटन समारोहमा दाँतैले रिबन काटेका छन् ।
त्यसको भिडियो मन्त्री फयाज आफैंले ट्विटर ह्यान्डलबाट शेयर गरेका छन् ।
शोरूमको उद्घाटन गर्न पुगेका मन्त्रीले कैंची चलाएपनि रिबन काटिएको थिएन । त्यसपछि उनले रिबनलाई हातले समाते अनि दाँतैले टोकेर रिबन काटे । उनको यस्तो हर्कत देखेर अरू मानिस मज्जैले हाँसे ।
भिडियो शेयर गर्दै फयाजले लेखे, ‘आफ्नो विधानसभा क्षेत्रमा पसल उद्घाटन गर्ने अनौठो तरिका । कैंची भुत्ते र खराब थियो । पसलेलाई लाजमर्दो भएपछि मैले बनाए नयाँ विश्व कीर्तिमान ।’
यसको भिडियो भाइरल बनिरहेको छ ।
اپنے حلقے میں دوکان کے افتتاح کا انوکھا انداز۔۔۔!!! قینچی کند اور خراب تھی۔۔!!! مالک دوکان کو شرمندگی سے بچانے کے لیے نیا عالمی ریکارڈ قائم کر دیا۔۔!!!@UsmanAKBuzdar pic.twitter.com/MRxedX0ZaB
— Fayaz ul Hassan Chohan (@Fayazchohanpti) September 2, 2021
